Tramp öz partiyasını qiyamla hədələdi

ABŞ-da prezidentliyə namizəd  respublikaçı  Donald Tramp praymerizdə uğurlarına baxmayaraq, partiyasının ona nominasiya verməkdən imtina edəcəyi halda tərəfdarlarının qiyamı ilə hədələyib.

Qeyd edək ki, bundan əvvəl bəzi respublikaçılar seçicilərin deyil, partiya liderlərinin səs verəcəyi seçkiöncəsi qurultay zamanı namizədi seçəcəklərini demişdilər. Milli.Az faktxəbər-ə istinadən bildirir ki, Tramp nominasiya üçün vacib olan 1237 nümayəndənin dəstəyini almayacağı təqdirdə belə bir variant mümkündür. Hələ ki, onun qurultaya kimi bu  mərhələni keçə bilib-bilməyəcəyi məlum deyil. Milyonlarla insanı təmsil etdiyini bildirən Tramp isə CNN telekanalının efirində onların çoxunun ilk dəfə səs verəcəyini də vurğulayıb: "Onları səsvermə hüququndan məhrum etsələr... Düşünürəm ki, elə problemlər yaranacaq ki, hələ heç kəs görməyib".

Qeyd edək ki, Tramp hələ ki, 646 nümayəndənin  dəstəyini əldə edə bilib.