Messi tarixə düşdü

Argentinalı futbolçu "Nou Kamp" stadionunda 100 qolluq həddi keçmiş ilk oyunçu olub

"Barselona" klubunun argentinalı futbolçusu Lionel Messi "Nou Kamp" stadionunda vurduğu qolların sayına görə rekordçu olub. ANS PRESS-in məlumatına görə, Messi "Barselona"nın tarixində "Nou Kamp" stadionunda 100 qol həddini aşan ilk futbolçu olub.
Lionel Messi İspaniya çempionatının son turunda "Real"a qarşı keçirilən və 2-2 hesabı ilə bitən matçda 100-cü qoluna imza atıb. Bundan başqa Lionel Messi "Real"la qarşılaşmada 2 qol vuraraq "El-classiko"da 17 qola imza atmış olub.
İndi Lionel Messi "Barselona"-"Real" matçında daha bir qola imza atmaqla əfsanəvi Alfredo Di Stefanonun rekordunu yeniləmiş olacaq.