Azərbaycan Premyer Liqasının təqvimi yenə dəyişdi

U-17 qızlar arasında dünya çempionatının oyunlarının keçirilməsi ilə əlaqədar Azərbaycan Premyer Liqasının təqvimində yenidən dəyişiklik edilib.

Apasport.az saytının məlumatına görə, VII turun 4 qarşılaşmasının keçiriləcəyi məkan dəyişib.
"Qarabağ" - "Simurq" qarşılaşması sentyabrın 29-da Zaqatala şəhərində keçiriləcək. Lənkəranda baş tutmalı olan "Xəzər Lənkəran" - "Turan" oyunu sentyabrın 29-da Tovuz şəhərində oynanılacaq.
"İnter" "Neftçi" ilə "Şəfa"da yox, Mehdi Hüseynzadə adına Sumqayıt şəhər stadionunda qarşılaşacaq. "Rəvan"-"Kəpəz" oyunu isə 29 sentyabrdan bir gün sonraya keçirilib. Bu səbəbdən VIII turun "Kəpəz" - "Qarabağ" oyunu oktyabrın 3-dən 4-də keçirilib.