Azərbaycan Premyer Liqasının adı dəyişdi

Bundan sonra çempionat Topaz Premyer Liqası adlanacaq

Bu gün "Topaz" və Peşəkar Futbol Liqası (PFL) arasında strateji əməkdaşlıq haqqında müqavilə imzalanması ilə bağlı mətbuat konfransı keçirilib. Lent.az-ın verdiyi məlumata görə, tədbir zamanı PFL-nin prezijdenti Ramin Musayev və "Azərintelfek" şirkətinin (TOPAZ əmtəə nişanının sahibi) Direktorlar Şurasının sədri Ahmet Xezer 3 illik strateji əməkdaşlıq müqaviləsi imzalayıblar. Anlaşmaya əsasən sentyabrın 19-dan etibarən "Topaz" Azərbaycan Premyer Liqasını dəstəkləyəcək və Azərbaycan Premyer Liqası bundan sonra Topaz Premyer Liqası adlandırılacaq.