Beyləqanda Mercedes aşdı, sürücü sağ qaldı, sərnişinləri öldü

Beyləqan rayonunda avtomobil aşıb, ölənlər var.

Olaylar.az report-a istinadən xəbər verir ki,hadisə mayın 4-də rayonun Qəhrəmanlı qəsəbəsindən keçən asfalt yolda qeydə alınıb.

Belə ki, 1994-cü il təvəllüdlü Salahlı Əyyub Sahib oğlu idarə etdiyi "Mercedes-Benz E190" markalı avtomobillə hərəkətdə olan zaman idarəetməni itirib. Daha sonra maşın yoldan çıxararaq yolun sağ kənarına aşıb. Nəticədə avtomobildə olan sərnişinlər - 2001-ci il təvəllüdlü Orucov Rəşad Elxan oğlu və 1995-ci il təvəllüdlü Xudiyev Eltun İsrəfil oğlu aldıqları xəsarətlərdən hadisə yerində ölüb, sürücü Ə.Salahlı isə bud çanaq oynağının əzilməsi xarakterli xəsarət alıb. Onun səhhəti stabil qiymətləndirilir.

Faktla bağlı araşdırma aparılır.