Dünya
Qətər Fars körfəzi ölkələri ilə bütün layihələri dayandıra bilər
Qətər Fars körfəzinin ərəb ölkələri Əməkdaşlıq Şurası ilə bütün layihələri dayandıra bilər. Belə qərarın Səudiyyə Ərəbistanı başda olmaqla bir sıra ərəb ölkələrinin Qətərə qarşı əsassız ittihamlarla çıxış etməsi ilə əlaqədar qəbul edildiyi bildirilir.
Vatikanın xəzinədarı uşaqbazlıqda suçlanır
Roma Katolik Kilsəsinin iqtisadi və maliyyə məsələləri üzrə katibliyinin rəhbəri, avstraliyalı kardinal, 76 yaşlı Corc Pell uşaqbazlıqda və yetkinlik yaşına çatmamışlara təcavüzdə suçlanır. Avstraliyanın Viktoriya əyalətinin polis departamentinin yetkilisi Şeyn Pattonun dediyinə görə, kardinal Corc Pellə bir neçə ittiham irəli sürülüb: "Onun məhkəmə prosesi iyulun 18-də Melburn Magistrat Məhkəməsində başlayacaq". Corc Pell Vatikanda Papa 1-ci Fransiskdən sonra üçüncü adam sayılır.
ABŞ senatı “Kasperski” antivirusundan istifadənin qadağasını tələb edir
ABŞ senatı Rusiyaya məxsus antivirusdan hərbi məqsədlər üçün istifadənin qadağan olunmasını tələb edib. AzərTAc xəbər verir ki, silahlı qüvvələr üzrə komitənin məlumatına görə, “Kasperski Laboratoriyası” kompaniyasının proqram təminatı Rusiya hökumətinə Amerikanın hərbi qurumunun işinə müdaxilə etməyə imkan verir.
NATO müdafiə nazirlərinin görüşü keçirilir
İyunun 29-u Brüsseldə NATO-un müdafiə nazirlərinin növbəti görüşü keçiriləcək. Görüşün gündəliyində alyansın müdafiə xərclərinin genişləndirilməsi, Rusiyaya qarşı tədbirlərin həyata keçirilməsi, həmçinin, Əfqanıstanda xidmət keçmək üçün 4 min əsgər ayrılması barədə müzakirələr aparılacaq. Görüş çərçivəsində 3 çərçivə sazişlərinin imzalanması nəzərdə tutulur.
13 ağır şərt və cəmi 5 gün vaxt...
Fars körfəzinin ərəb dövlətləri tərəfindən Qətərə qarşı irəli sürülmüş 13 şərtdən ibarət tələbə əməl etmək üçün ayrılmış vaxtın bitməsinə 1 həftədən də az vaxt qalıb. Əgər Qətər həmin tələbləri yerinə yetirməsə bu ölkəyə qarşı körfəz ölkələri tərəfindən tətbiq edilmiş iqtisadi və siyasi sanksiyaların daimi xarakter alacağı ehtimalı getdikcə artır.
Erməni müğənni azərbaycanlıların restoranında konsert verəcək
Moskvada azərbaycanlılara məxsus "Bakinski dvorik" restoranında erməni müğənninin konserti keçiriləcək. İyunun 30-da baş tutacaq konsertdə erməni şanson, daha çox Boka adıyla məşğul olan Boris Davidyan çıxış edəcək. Konsert "Bakinski dvorik"lər şəbəkəsinin "Sokolniki" metro stansiyası yaxınlığındakı restoranında baş tutacaq. Bu konsertdən sonra erməni müğənni şəbəkənin Moskvada yerləşən digər restoranlarında çıxış edəcək.
Sarkisyan etirazla qarşılandı
Ermənistan prezidenti Serj Sarkisyan hökümət binasına gələn zaman "sürpriz"lə qarşılaşıb. Sarkisyan binaya daxil olarkən bir qrup etirazçı hökumət binasının qarşısına toplaşıb. Onlar etirazlarını Sarkisyana çatdırmaq istəyiblər.
Poroşenko Krım barədə tapşırıq verdi
Ukrayna prezidenti Pyotr Poroşenko Konstitusiya komissiyasına Krımın statusu haqqında dəyişikliklərlə bağlı layihəni hazırlamağı tapşırıb. Bu haqda Ali Radanın deputatı Yuri Çijmar deyib. “Biz anladıq ki, hazırda Krımın Muxtar Respublikası artıq unitar ölkənin tərkibində mövcud ola bilməz”, - parlament üzvü bildirib.
Tanınmış müğənni sətəlcəmdən öldü
Rusiyanın məşhur qrupu "Иванушки International"ın keçmiş solisti Oleq Yakovlev dünyasını dəyişib. Bu haqda onun xanımı Aleksandra Kuçevol xəbər verib. O, sosial şəbəkədə yazıb: "Həyatımın əsas kişisi, mənim mələyim, mənim xoşbəxtliyim. İndi mən neyniyəcəyəm sənsiz?"
Koçaryandan Putini qəzəbləndirəcək SÖZLƏR - İrəvan SƏKSƏKƏDƏ
Ermənistanın xarici işlər nazirinin müavini Savarş Koçaryan Dağlıq Qarabağ münaqişəsinin həllində Rusiyaya ümid etməyin yersiz olduğunu açıqlayıb. S.Koçaryan Rusiyanın Azərbaycana silah satması haqda məsələni şərh edərkən, Moskvanı tənqid edib. “Təhlükəsizlik məsələsində Ermənistan özünə ümid etməlidir. Rusiya bizim müttəfiqimizdir, onunla münasibətlərə önəm veririk, lakin daha ona ümid etmək lazım deyil”, - deyə o bildirib.
Yerevan Moskvaya üz döndərir: “Onlar özlərini düşmən kimi aparır”
Rusiyanın Azərbaycana əvvəllər imzalanmış müqavilərə uyğun olaraq yeni müasir silah göndərməsi Yerevanda təşviş doğurub. Rusiyanın Qafqazdakı siyasətindən narazı qalan ermənilərin sayı artır. “Ermənistan regionda balansı qorumaq və milli təhlükəsizliyini təmin etmək üçün Rusiya ilə razılaşmalarına yenidən baxmalıdır. Moskva Bakıya təsir imkanlarını saxlamaq üçün ona silah satır. Lakin bu addımın nəticələri barədə ciddi şəkildə düşünmür” – deyə Ermənistan Milli və Strateji Araşdırmalar Mərkəzinin rəhbəri, politoloq Manvel Sarkisyan deyib. “Rusiya ilə Ermənistan arasında müqavilə imzalanan zaman rusların Azərbaycanı silahlandıracaqları nəzərdə tutulmamışdı. Lakin əgər Moskva Ermənistanın milli maraqlarına ziyan vuracaq siyasət yürüdür onda biz də bu ölkə ilə imzaladığımız müqavilələrə yenidən nəzər salmalıyıq”.
Mismarsız məscid: 800 ildir fəaliyyət göstərir - VİDEO
Türkiyənin Samsun vilayətinin Çarşamba bölgəsində yerləşən qədim məscid öz orijinal memarlıq üslubuna və yaşına görə seçilir. Məsələ bundadır ki, 800 illik tarixə malik olan taxta konstruksiyalı bu məscidin inşasında bir ədəd də olsa, mismardan istifadə olunmayıb.
Rusiya yaxın 10 ildə.. - Məruzə məxfilikdən ÇIXARILDI
Ən yaxın on ildə Rusiyanın imkanları arta bilər. Bu haqda ABŞ Müdafiə Nazirliyinin kəşfiyyat idarəsinin (RUMO) başçısı Stüart Vinsentin məruzəsində deyilir.
Corc Pell cinsi istismarda günahlandırılır
Katolik kilsəsinin ən yüksək nüfuza malik üçüncü adı, Vatikan xəzinədarı, avstraliyalı kardinal Corc Pell cinsi istismar ittihamı ilə məhkəməyə verilib. “Olaylar” “Miliyyet” - ə istinadən bildirir ki, Avstraliyanın Viktoriya ştatının polisi Corc Pellə yönəldilən cinsi təcavüz ittihamlarının tarixi hadisələrlə bağlı olduğunu bildirib.
Suriyalı qaçqınların Türkiyədə sayı açıqlandı
Suriyalı qaçqınların Türkiyədə ümumi sayı açıqlanıb. Türkiyə Daxili İşlər Nazirliyi yanında Miqrasiya Xidmətinin açıqladığı statistikaya əsasən, suriyalı qaçqınların bu ölkədə sayı 3 milyon 49 min 879 nəfər təşkil edib.














