Tatoyan: "Konstitusiyanı bir nəfərə görə dəyişmək qəbuledilməzdir" – ÖZƏL

Olaylar.az xəbər verir ki, "Birlik Qanadları" təşəbbüsünün rəhbəri Arman Tatoyan "Güclü Ermənistan" partiyasının iş adamı Samvel Karapetyanın baş nazirliyə namizədliyi üçün Konstitusiyaya dəyişiklik təklifinə qarşı çıxıb. 

Karapetyanın ölkəyə xidmətlərini və hazırda "siyasi məhbus" olduğunu qeyd edən Tatoyan bildirib ki, Əsas Qanunun fərdlərə görə uyğunlaşdırılması Ermənistanın köhnə və zərərli siyasi ənənəsidir.

Xatırladaq ki, ikili vətəndaşlığı olan Samvel Karapetyan mövcud qanunvericiliyə görə baş nazir ola bilməz. O, 2025-ci ilin iyununda kilsəni dəstəklədikdən sonra həbs edilib, hazırda isə ev dustaqlığındadır. İş adamı özü barəsindəki "çirkli pulların yuyulması" ittihamlarını Paşinyan hökumətinin siyasi təzyiqi hesab edir.