Belaruslu deputat: “Ukraynanın Lukaşenkoya qarşı sanksiyaları axmaqlıqdır”-ÖZƏL

Ukraynanın Belarus Prezidenti Aleksandr Lukaşenkoya qarşı tətbiq etdiyi sanksiyalar Belarus parlamentində kəskin tənqid olunub. Olaylar.az xəbər verir ki, Belaruslu deputat   bu addımı "axmaqlıq" adlandırıb və bildirib ki, sözügedən məhdudiyyətlər ölkə liderinə heç bir təsir göstərməyəcək.
Deputatın sözlərinə görə, rəsmi Minsk Kiyevin təxribat xarakterli addımlarına uymayacaq və hər hansı sanksiyaya "ağıllı şəkildə" cavab verməyi bacarır. O vurğulayıb ki, Belarus rəhbərliyi emosional qərarlar qəbul etmir və xarici təzyiqlərə qarşı praqmatik siyasət yürüdür.
Qeyd edək ki, Ukrayna son dövrlər Belarus rəhbərliyinə qarşı bir sıra məhdudiyyətlər tətbiq edib. Rəsmi Minsk isə bu addımları siyasi motivli qərar kimi qiymətləndirir.