Türkiyə qəza ilə bağlı araşdırmalara başladı

Ankara Cümhuriyyət Prokurorluğu "Falkon 50" təyyarəsinin qəzaya düşməsinin səbəbləri ilə bağlı araşdırmalara başlayıb.

Axar.az xəbər verir ki, bu barədə Türkiyənin ədliyyə naziri Yılmaz Tunç X-də məlumat yayıb.

"Ankara Baş Prokurorluğu Esenboğa Hava Limanından qalxan və Liviya Silahlı Qüvvələrinin Baş Qərargah rəisi general-polkovnik Məhəmməd Əli Əl-Həddad da daxil olmaqla sərnişinləri daşıyan təyyarənin qəzaya uğraması ilə bağlı araşdırmaya başlayıb", - deyə o bildirib.

Qeyd edək ki, Türkiyənin paytaxtı Ankaranın Haymani ilçəsi yaxınlığında Liviya Baş Qərargah rəisi general Məhəmməd Əli əl-Həddad və onu müşayiət edən nümayəndələr təyyarə qəzasında həlak olublar.