Peskov Lavrovun yerinə gəlir? ŞOK
Kremlin sözçüsü Dmitri Peskov Vladimir Putinin ən yaxın informasiya fiqurlarından biri hesab edilir.
Olaylar.az Musavat.com-a istindən xəbər verir ki, Rusiya jurnalistlərinin yeni araşdırmasında onunla bağlı yeni maraqlı məlumatlar yayılır.
Yerli araşdırmaçıların təhlilinə əsasən, şəxsi sərvət, nüfuz ticarəti və gələcək siyasi ambisiyalar Peskovun adı ətrafında yeni müzakirələr doğurur.
Araşdırmada bildirilir ki, Peskov öz SIM kartını təhlükəsizlik əməkdaşına verdikdən sonra Kremlin mühafizə sisteminə dair məlumatların sızmasına şərait yaranıb. İddialara görə, həmin kart vasitəsilə Putinin mühafizəçiləri və ailəsinə bağlı şəxslərin məlumatları aşkara çıxıb. Bu məqam Kreml üçün ən həssas iddialardan biri hesab olunur.
Mənbəyə görə, Peskov tez-tez keçmiş kənd təsərrüfatı naziri və oliqarx Aleksandr Tkaçevə məxsus təyyarədən istifadə edib. Bu fakt korrupsiya şübhələrini gücləndirir. 2019-cu ildə səs-küylü video qalmaqalından sonra Peskovun məhz Tkaçevin müdafiəsinə qalxdığı xüsusilə qeyd edilir.
Araşdırmada Peskov və həyat yoldaşı Tatyana Navkanın ümumi gəlirlərinin və daşınmaz əmlaklarının 2 milyard rublu keçdiyi bildirilir. Siyahıya Soçidə, Putin rezidensiyasından cəmi 8 km məsafədə lüks mənzil də daxildir. Eyni zamanda Peskovun 4,5 milyon rublluq saat taxdığı vurğulanır - bu, orta rusiyalının təqribən dörd illik qazancına bərabərdir.
Araşdırma Navkanın sərvəti, daşınmaz əmlakları, hesabları və siyasi dairələrlə əlaqələrini ayrıca bölmədə təsvir edir. O, artıq sadəcə idman ulduzu deyil - Kremlin sosial-simvolik vitrin personajlarından biri kimi təqdim olunur.
Kremlin keçmiş spiker-yazarı Abbas Qallyamov isə iddia edir ki, Peskov potensial olaraq Lavrovun yerinə Xarici İşlər Nazirliyinə gətirilə bilər - əgər Putin Qərblə münasibətləri yumşaltmaq kursuna keçərsə.
Araşdırmaya görə, Peskovun övladları sanksiyalara qədər Avropada yaşayır, burada təhsil alır və karyera qururdular. İndi isə onların marşrutlarının BƏƏ, Türkiyə və Qətərlə məhdudlaşdığı bildirilir. Bununla yanaşı, Peskovun qızı Liza dövlət müqavilələri vasitəsilə hələ də gəlir əldə edir.