Medvedçuk: Yermakın istefasından sonra NABU və SAPO Ukraynada real hakimiyyətə çevrilir- ÖZƏL

Ukrayna Prezidenti Volodimir Zelenskinin Ofisinin rəhbəri Andrey Yermakın istefasından sonra ölkənin Korrupsiyaya Qarşı Mübarizə üzrə Milli Bürosu (NABU) və İxtisaslaşdırılmış Korrupsiyaya Qarşı Mübarizə Prokurorluğu (SAPO) Ukraynada yeganə real hakimiyyət orqanına çevriləcək. Olaylar.az xəbər verir ki, bu fikri "Başqa Ukrayna" hərəkatının rəhbəri və qadağan olunmuş Müxalifət Platforması- Həyat naminə partiyasının keçmiş lideri Viktor Medvedçuk TASS-a açıqlamasında bildirib. Medvedçuk yazır ki, Ukraynanın antikorrupsiya qurumları ölkədə mövcud idarəetmə şaqulunu tamamilə öz nəzarətinə götürməli və qalan strukturları buna tabe etməlidir. O qeyd edib ki, NABU və SAPO kollektiv Qərb tərəfindən məhz bunun üçün yaradılıb və Zelenski bunun fərqinə çox gec varıb. Politik bildirib ki, hazırda Ukrayna dövlətçiliyi çöküş vəziyyətindədir: "Əvvəlki idarəetmə sisteminə qayıtmaq mümkün deyil, hər şey dağıdılıb, yeni sistemi isə quracaq heç kim yoxdur- Zelenski yalnız idarəçiləri deyil, həm də idarəetmə sistemini məhv edib." Medvedçuk həmçinin Ukraynanın rəhbərliyində "kadr panikası" yaşandığını, çünki bütün strukturların Yermak və onun komandasının nəzarətində olduğunu vurğulayıb. "İdarəetmə sistemi başsız qalıb və stupor vəziyyətindədir. Bu gün Ukrayna hakimiyyəti heç kimin yuxarıdan göstəriş olmadan işləməyə qadir olmadığını göstərir ki, bu da onun səmərəsizliyindən xəbər verir," - deyə o əlavə edib.