Tramp zarafat edib ki, jurnalistlər kəşfiyyat testindən keçməyəcəklər- ÖZƏL

ABŞ prezidenti Donald Tramp Florida ştatından Vaşinqtona Şükran Günü tətilindən qayıdarkən prezident təyyarəsində jurnalistlərlə söhbət zamanı onlara eyhamla bildirib ki, koqnitiv qabiliyyət testindən keçə bilməzdilər. Olaylar.az xəbər verir ki, bu barədə məlumat Ağ Evin YouTube kanalında yayımlanan videodan əldə olunub.
Tramp jurnalistlərə MRT müayinəsindən keçdiyini danışarkən belə deyib:
"Bu, sadəcə olaraq maqnit-rezonans tomoqrafiyası idi. Hansı orqanın? Bu, beyin deyildi, çünki mən koqnitiv testdən keçdim, çox yaxşı nəticə göstərdim və əla qiymət aldım. Siz isə onu ala bilməzdiniz. Hər şey yaxşıdır, sağ olun".
Bundan əvvəl isə o, mərhum maliyyəçi Ceffri Epşteynin yetkinlik yaşına çatmayanlara qarşı cinayətlərinə dair materiallarla bağlı sual verən jurnalistə sərt şəkildə cavab vermişdi. CNN-in yayımladığı görüntülərdə prezidentin jurnalisti sözünə davam etməyə qoymayaraq "Sakit ol! Sakit ol, donuz!" dediyi görünür.