"Vahid Milli Hərəkat": İvanişvili avtoritar rejim qurur və Gürcüstanı geriyə aparır – ÖZƏL

Olaylar.az xəbər verir ki, "Vahid Milli Hərəkat" partiyasının baş katibinin müavini İrakli Pavlenişvili jurnalistlərə açıqlamasında, Bidzina İvanişvilinin konstitusiya prinsiplərini və ölkənin kursunu dəyişdiyini, avtoritar, diktator rejimi qurduğunu bildirib.
Onun sözlərinə görə, təkcə 4 oktyabr hadisələri ilə bağlı deyil, son illər ərzində də çoxlu sayda insan siyasi motivlərlə saxlanılıb.

"Əhali sayına görə siyasi məhbusların sayına görə biz ən avtoritar rejimləri qabaqladıq. Bunda günahkar konstitusiya prinsiplərini və ölkənin kursunu dəyişdirən, avtoritar, diktator rejimi quran İvanişvilidir ki, bunun ardınca siyasi təqiblər və repressiyalar gəlir. Onunla mübarizəyə qoşulan insanlar bu repressiyaların səbəbi deyil. Ölkənin bu dalana düşməsində İvanişvilinin günahı var. Onun yüz minlərlə Gürcüstan vətəndaşını neytrallaşdırmaq, mühacirətə göndərmək və ya həbs etmək kimi bəyan edilmiş bir məqsədi var və məhz bu, belə bir vəziyyət yaradır," - İrakli Pavlenişvili qeyd edib.

Bundan əlavə, o, 4 oktyabr işi üzrə saxlanılan Paata Burçuladze, Murtaz Zodelava, İrakli Nadiradze, Paata Mancqaladze və Laşa Beridze ilə bağlı həbsxanada telefon zənglərinə, görüşlərə və yazışmalara qoyulan qadağaya münasibət bildirib.

İrakli Pavlenişvilinin qiymətləndirməsinə görə, İvanişvili rejimi bu insanları təkcə təqib etmir, həm də onların məhbus hüquqlarını da əllərindən alır.

O, "Milli Hərəkat"ın Bidzina İvanişvilinin əleyhinə yönəlmiş aksiyaları dəstəklədiyini və dəstəkləyəcəyini də bildirib.