Qəzza zolağına 1 milyon insan üçün ərzaq ləvazimatları çatdırılıb - UNRWA

BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) Qəzza zolağında 1 milyon insana ərzaq çatdırıb.

Trend-in məlumatına görə, bu barədə təşkilatın "X" səhifəsində dərc olunan bəyanatında bildirilib.

"Atəşkəsin ilk günlərində UNRWA bir milyon insanı - anklav əhalisinin yarısını qidalandırmaq üçün kifayət qədər ərzaq idxal etdi. Bizim onları çatdırmaq üçün təchizat, resurslar və personalımız mövcuddur", - deyə qeyd olunub.

Bildirilib ki, Qəzza zolağında 75 illik təcrübəyə əsaslanaraq, agentlik "yardımı regionda effektiv şəkildə yaymaq üçün biliyə, şəbəkəyə və planlara malikdir".