Əfqanıstan və Pakistan arasında qanlı döyüşlər DAYANDI: Vasitəçi ölkələr AÇIQLANDI

Əfqanıstan və Pakistan arasında şənbə günü axşam baş verən atışmalardan sonra Qətər və Səudiyyə Ərəbistanı sülhə vasitəçilik edib.

Musavat.com "Al Arabiya"ya istinadən xəbər verir ki, bu barədə Əfqanıstanın xarici işlər naziri Əmir Xan Müttəqi bazar günü jurnalistlərə bildirib.

"Taliban" hökuməti bazar günü açıqlama verərək bildirib ki, sərhəddə baş verən toqquşmalar zamanı 58 pakistanlı hərbçi öldürülüb.

Hökumət sözçüsü Zabihullah Mücahid Kabildə keçirdiyi mətbuat konfransında əlavə edib ki, döyüşlərdə 9 Əfqan hərbçisi də həlak olub.