Gürcüstanlı müxalifət lideri: "Mən çevrilişin qurbanıyam, hakimiyyət seçki yolu ilə dəyişməlidir" – ÖZƏL

Olaylar.az xəbər verir ki, "Lelo - Güclü Gürcüstan" partiyasının liderlərindən biri olan Badri Caparidze Avropa Parlamentinin və tərəfdaşlarının zorakılıqları hər zaman pislədiyini vurğulayıb.

Caparidze Gürcüstanın hazırkı hakimiyyətini tənqid edərək bildirib ki, hökumət "ölkələri üçün Avropa gələcəyini qorumaq istəyən insanların vicdan məhbuslarına çevrilməsi" üçün hər şeyi edir.

O, 1990-1992-ci illərdə Gürcüstan parlamentinin üzvü olarkən çevrilişin qurbanı olduğunu qeyd edib. Caparidze deyib ki, bəzi çevriliş iştirakçıları indi də hakimiyyətdədirlər. "Mən bunun ölkə üçün nə qədər bədbəxtlik olduğunu bilirəm, bunu öz üzərimdə yaşamışam," - deyə lider əlavə edib. 

Caparidze hakimiyyət dəyişikliyinin yalnız seçki yolu ilə baş verməli olduğunu və hər bir vətəndaşın buna inanmalı olduğunu bildirib.

Caparidze, həmçinin, "Gürcü Arzusu" partiyasının "ayrı-ayrı Avropa dövlətləri və siyasətçiləri dinc devrilməyə təşviq edirlər" ritorikasına cavab verərək, bunu Baş nazir İrakli Kobaxidzenin "rəzil ritorikası" adlandırıb və onun sivil dünyada hörmət görmədiyini iddia edib.