Peru Baş prokuroru keçmiş prezidentin ölkədən çıxışına qadağa qoymaq istəyir – ÖZƏL

Olaylar.az xəbər verir ki, Perunun baş prokuroru Tomas Qalves vəzifəsindən kənarlaşdırılmış prezident Dina Boluartenin ölkədən çıxışına qadağa qoyulmasını tələb edib. O bildirib ki, bu barədə vəsatət həm regional, həm də Baş Prokurorluğa təqdim olunacaq.

Boluarte barəsində qanunsuz varlanma, vəzifə səlahiyyətlərini yerinə yetirməmə və etirazlar zamanı insanların ölümünə görə məsuliyyət kimi ittihamlarla bir neçə cinayət işi açılıb.

9 oktyabrda Peru Konqresi təhlükəsizlik böhranı səbəbindən Boluartenin impiçmenti barədə yekdilliklə qərar qəbul edib. O, iclasa qatılmayıb, parlament isə Konqresin sədri Xose Herini yeni prezident kimi and içdirib.

Boluarte son beş ildə impiçmentə məruz qalan üçüncü Peru prezidenti olub. Onun fəaliyyəti hazırda əhalinin cəmi 2,5%-i tərəfindən dəstəklənir.