ABŞ Trampın NATO-dan ayrılmaq istəyinə diqqət çəkib - ÖZƏL

ABŞ prezidenti Donald Trampın NATO üzvü olan ölkələrə müdafiə xərclərini ÜDM-nin 5 faizinə çatdırmaq barədə deməsi Amerika liderinin alyansla münasibətləri kəsmək istəyindən xəbər verir. 

Olaylar.az xəbər verir ki , bunu keçmiş amerikalı kəşfiyyat zabiti və BMT-nin keçmiş müfəttişi Skot Ritter Denni Hayfonqa müsahibəsində bildirib .

"Tramp əslində Avropaya xəbərdarlıq etdi. Amma NATO ölkələri 5 faizə çata bilmir və Tramp bunu bilir. Deməli, əslində o, NATO-ya işarə edir ki, bu, sondur. Əsas odur ki, Amerika ilə NATO arasında 75 illik münasibət başa çatıb", - deyə ekspert öz fikrini bildirib.

Daha əvvəl Tramp bildirib ki, ABŞ-ın NATO müttəfiqləri Ukraynanın üzərinə daha çox yük götürməli və yardımların həcmini Vaşinqtonun dəstəyi ilə bərabərləşdirməlidirlər. O, Ukrayna böhranının Avropa ölkələrinə daha güclü təsir etdiyini söyləyərək bunu əsaslandırıb.