Tramp Ukraynanın təhlükəsizlik zəmanəti tələblərini qəbul etməyəcək – ÖZƏL

ABŞ-nin The New York Times qəzeti yazır ki, yenidən seçilmiş prezident Donald Tramp Ukraynanın Vaşinqtondan tələb etdiyi təhlükəsizlik zəmanətlərinə razılıq vermək niyyətində deyil. 

Olaylar.az xəbər verir ki, bu tələblər Ukraynanın NATO-ya üzvlük ideyasına alternativ olaraq irəli sürülsə də, qəzetin fikrincə, onların da uğursuzluqla nəticələnməsi qaçılmazdır.

NYT-nin məlumatına görə, Tramp münaqişəni ABŞ-nin Ukraynanın təhlükəsizliyini təmin etmək öhdəliyi olmadan başa çatdırmağı hədəfləyir. Bundan əlavə, onun siyasəti ABŞ-nin Avropanın müdafiəsindəki rolunun azaldılmasına yönələcək. Bu isə Kiyevin NATO-ya üzvlük məsələsində Prezident Vladimir Zelenskinin ümidlərinin boşa çıxacağına işarə edir.

Ekspertlərin fikrincə, Trampın prezidentliyi dövründə ABŞ ordusu əsas diqqətini Asiya-Sakit Okean regionuna yönəldəcək və burada Çinin artan təsirinə qarşı mübarizə aparacaq. Bu səbəbdən Vaşinqtonun Avropa məsələlərində iştirakını azaltması və Ukraynaya dəstək yükünü əsasən Avropa ölkələrinin üzərinə qoyması gözlənilir.

Qeyd edək ki, politoloq Yuri Samonkin daha əvvəl Ukraynanın NATO-ya daxil olmaq üçün yalnız bir şansı olduğunu bildirib. Onun sözlərinə görə, Kiyev Alyansın bir hissəsi yalnız Polşa knyazlığı tərkibində ola bilər.