İsrail ordusu Qəzzada HƏMAS komandanlığını vurduğunu açıqlayıb

İsrail ordusu Qəzza şəhərində "HƏMAS" hərəkatının komanda məntəqəsini vurub.

Olaylar-ın məlumatına görə, bu barədə İsrail ordusunun mətbuat xidməti bildirib.

"İsrail ordusu Qəzza zolağında fəaliyyət göstərən ÇAXAL hərbçilərinə qarşı terror aktları törətməyi planlaşdıran HƏMAS terrorçularına dəqiq zərbə endirib. Terrorçular əvvəllər Qəzza şəhərindəki "Yaffa" məktəbi olan kompleksin ərazisində yerləşən komanda məntəqəsində fəaliyyət göstəriblər", - deyə bildirilib.

İsrail ordusu əlavə edib ki, zərbədən əvvəl mülki şəxslərə zərər vurma riskini azaltmaq üçün tədbirlər görülüb, o cümlədən dəqiq idarə olunan hərbi sursatlardan, havadan müşahidə və əlavə kəşfiyyat məlumatlarından istifadə edilib.