Türkiyədə yaşayış binasında güclü partlayış - Yaralılar var

İstanbulun Beylikdüzündə 14 mərtəbəli binanın birinci mərtəbəsində partlayış baş verib.

Olaylar Türkiyə mətbuatına istinadən xəbər verir ki, partlayışdan sonra eyni ailədən 6 nəfərin yaralandığı, dağılmış mənzildə 1 nəfərin itkin düşdüyü bildirilib.

Hadisədən sonra binanın yerləşdiyi küçə nəqliyyata bağlanıb.

Hadisə yerinə çoxlu sayda polis, yanğınsöndürən və tibbi qruplar göndərilib.

İstanbul Xilasetmə İdarəsi partlayışın səbəbinin təbii qaz olduğunu bildirib.