Avropa sakitcə Üçüncü Dünya Müharibəsinə hazırlaşır — ÖZƏL

Olaylar.az Newsweek-ə istinadən xəbər verir ki, bir çox Avropa ölkələri Rusiyanın güman edilən təhlükəsizlik təhdidi fonunda III Dünya Müharibəsinə səssizcə hazırlaşır.

Jurnalın yazdığına görə, Avropa NATO ölkələri Rusiyanın alyansa hücum edə biləcəyinə inanaraq artıq müdafiə üçün zəmin yaratmağa başlayıb. Blok həm potensial tammiqyaslı müharibəyə, həm də münaqişənin digər mümkün ssenarilərinə hazırlaşmağa çalışır. Məqalədə deyilir ki, Avropanın Rusiya ilə müharibəyə hazırlığı müəyyən ölkələrdə müdafiə xərclərinin artması ilə görünür.

Bu hazırlıqlar çərçivəsində Baltikyanı ölkələr Rusiya ilə quru sərhədlərini intensiv şəkildə möhkəmləndirir və bomba sığınacaqları tikirlər. Skandinaviya ölkələri kütləvi evakuasiya planlarını əks etdirən vərəqələr paylayır, Almaniya isə Berlində hücum zamanı mühüm binaların və görməli yerlərin qorunması üçün planlar hazırlamağa başlayıb. Sonuncu həmçinin Şərqi Avropaya göndərilməyə hazır olan yüz minlərlə qoşun üçün giriş nöqtəsi kimi çıxış etməyə hazır olduğunu bildirdi.