Avstraliyada köpək balığı 60 yaşlı nizə balıqçısına hücum edib – ÖZƏL

Brisbenin 570 kilometr şimalında yerləşən Kertis adası sahillərində köpək balığı 60 yaşlı nizə balıqçısına hücum edib.

Olaylar.az xəbər verir ki, yaşlı adam ciddi yaralarına baxmayaraq, sahilə çatmağı bacarıb. Hadisə yerində olan şahidlər tez bir zamanda ona ilk tibbi yardım göstəriblər ki, bu da sonradan xilasedicilər tərəfindən həyatı qurtaran əsas amil kimi vurğulanıb.

Hadisə yerindəki xilasedicilər, kişinin hər iki qolunda ciddi diş izləri tapıblar. Xilasedicilərin yardımı ilə onu tezliklə xəstəxanaya çatdırıblar. Yerli sahil mühafizəsi nümayəndəsi belə hadisələrin çox nadir baş verdiyini və hər birinin ciddi rezonans doğurduğunu qeyd edərək, tez reaksiya verən xidmətlərin əhəmiyyətini vurğulayıb.

Hücum edən akulanın hansı növə aid olduğu hələlik məlum deyil.