Terrorçular İranın Hələbdəki konsulluğuna hücum ediblər - XİN

İranın Suriyanın Hələb şəhərindəki konsulluğu terrorçuların hücumuna məruz qalıb.

Bu barədə İran Xarici İşlər Nazirliyinin rəsmi nümayəndəsi İsmayıl Bəqayi deyib.

Məlumata əsasən, xəsarət alan olmayıb.

Nazirlikdən bildirilib ki, Bəqayi "İran İslam Respublikasının Hələbdəki konsulluğuna edilən terror aktını qətiyyətlə pisləyib". Diplomat vurğulayıb ki, İran "həm hüquqi, həm də beynəlxalq səviyyədə bu hücuma görə cavab verməyə məcbur olacaq".