Polşa Müdafiə Naziri Ukraynaya yardımı xatırlatdı: “Təhlükəsizliyimizi təhlükəyə atmarıq” – ÖZƏL
16:02 DünyaPolşa Müdafiə Naziri Vladislav Kosinyak-Kamış Ukrayna prezidenti Vladimir Zelenskinin Polşanın dəstəyi ilə bağlı tənqidlərinə cavab verib.
Olaylar.az xəbər verir ki, nazir, TVN24 telekanalına verdiyi açıqlamada, Ukraynaya göstərilən yardımı xatırladaraq, bu köməyin unudulduğunu bildirib.
Kosinyak-Kamış qeyd edib ki, Polşa hərbi əməliyyatların ilk aylarında Ukrayna Silahlı Qüvvələrinə hərbi avadanlıq təqdim edib və genişmiqyaslı humanitar yardım təşkil edib. Lakin nazir Ukraynanın bu yardımı tez unutduğunu vurğulayıb.
"Ukraynaya yardımın sərhədi Polşanın təhlükəsizliyidir. Əgər hansısa avadanlığın verilməsi Polşa dövlətinin təhlükəsizliyinə təhdid yaratsa, həmin avadanlığı sadəcə verməyəcəyəm", - deyə nazir bildirib.
Bu açıqlama Polşanın Ukraynaya dəstəyi ilə bağlı prioritetlərinin dəyişə biləcəyinə işarə edir.