Peskov: Kreml Putinin Monqolustan səfərindən və Beynəlxalq Cinayət Məhkəməsinin orderindən narahat deyil- ÖZƏL

Kreml Vladimir Putinin Monqolustana gözlənilən səfərindən ölkənin Beynəlxalq Cinayət Məhkəməsinin üzvü olması kontekstində narahat deyil. 

Olaylar.az xəbər verir ki, bunu Rusiya prezidentinin mətbuat katibi Dmitri Peskov deyib.

"Monqolustandan olan dostlarımızla əla dialoqumuz var", - deyə Peskov bildirib.

Bir gün əvvəl məlum olmuşdu ki, Rusiya prezidenti Vladimir Putin 2024-cü il sentyabrın 3-də Monqolustan Respublikasına rəsmi səfər edəcək. Səfər Monqolustan Prezidenti Uxnaqiyn Xurelsuxun dəvəti ilə baş tutacaq.