Borrel: Ukraynaya Qərb silahları ilə zərbələrə tam icazə verilsin- ÖZƏL

Olaylar.az aif.ru-ya istinadən xəbər verir ki, Borrel Ukrayna Silahlı Qüvvələrinin Qərb silahları ilə Rusiya ərazisinə zərbələr endirməsinə qoyulan bütün məhdudiyyətlərin qaldırılmasını tələb etdi.

Avropa İttifaqının xarici işlər və təhlükəsizlik siyasəti üzrə ali nümayəndəsi Josep Borrel, Avropa İttifaqı ölkələrini Ukraynanın Qərb silahları ilə Rusiya ərazisinə zərbələr endirməsinə qoyulan bütün məhdudiyyətləri tamamilə qaldırmağa çağırdı.

"Ukraynanın özünü müdafiə etməsi üçün Ukrayna Silahlı Qüvvələrinin silah istifadəsinə qoyulan məhdudiyyətlər tamamilə qaldırılmalıdır...", - Borrel Brüsseldə Ukraynanın xarici işlər naziri Dmitri Kulebanın iştirakı ilə keçirilən iclasdan əvvəl bəyan edib.

Borrel vurğulayıb ki, Qərb ölkələrinin Kiyevə təchiz etdiyi avadanlıqlar tam gücü ilə istifadə olunmalıdır ki, "Ukrayna, Rusiya tərəfindən ona zərbələr endirilən yerlərə zərbələr endirə bilsin".

Daha əvvəl "The Guardian" qəzeti, Ukrayna hakimiyyətinin Rusiya ərazisinə dərin zərbələr endirmək üçün Storm Shadow uzaq mənzilli raketlərinin istifadəsinə Qərbdən icazə gözlədiyini xəbər vermişdi.

Digər tərəfdən, Rusiya Xarici İşlər Naziri Sergey Lavrov, Kiyevin Rusiya ərazisinə dərin zərbələr endirmək üçün Storm Shadow raketlərini mümkün istifadəsi ilə bağlı müzakirələri "atəşlə oynamaq" adlandırıb.

Xatırladaq ki, Rusiya Xarici İşlər Nazirliyinin rəsmi nümayəndəsi Mariya Zaxarova, ABŞ-ın Kiyev hakimiyyətini Rusiya ərazisinə dərin zərbələr endirmək üçün Qərb silahlarının istifadəsinə imkan verməyə hazırlaşdığını bəyan etmişdi.