Keçmiş sovet təyyarədaşıyan gəmisi "Minsk" Çinin Yantszı çayında yanıb- ÖZƏL

Çində, Yantszı çayı üzərində, Niantonq şəhərində SSRİ dağıldıqdan sonra Çin şirkətinin aldığı keçmiş sovet təyyarədaşıyan "Minsk" gəmisində yanğın baş verib. 

Olaylar.az xəbər verir ki, bu barədə yerli "Penpai" xəbər agentliyi məlumat yayıb.

Qəzetin məlumatına görə, yanğın 2024-cü il avqustun 16-da, təxminən Moskva vaxtı ilə saat 11:00-da başlayıb. Hadisə köhnə təyyarədaşıyan gəminin sökülməsi və təmiri zamanı baş verib, lakin yanğının səbəbi dəqiqləşdirilməyib. Yalnız məlum olub ki, yanğın zamanı xəsarət alan olmayıb.

Minsk təyyarədaşıyan gəmisi Sovet İttifaqının parçalanaraq Rusiyaya çevrilməsindən sonra ilk illərdə alınıb. Əvvəlcə Shenzhendəki əyləncə parkı üçün alınmışdı, lakin 2016-cı ildən gəmi Niantongdakı Susitong Parkına köçürülüb.