Qəzza üzrə danışıqlar tezliklə davam etdiriləcək - ABŞ prezidenti

Atəşkəs və Qəzza zolağında saxlanılan girovların azad edilməsi ilə bağlı danışıqlar davam etdiriləcək.

Olaylar-ın məlumatına görə, bu barədə ABŞ prezidenti Co Bayden bildirib.

"Komandalarımız yaxın günlərdə texniki işləri davam etdirmək üçün yerində qalacaqlar və yüksək səviyyəli vəzifəli şəxslər həftənin sonuna qədər Qahirədə yenidən toplanacaqlar", - deyə ABŞ prezidenti qeyd edib.

O bildirib ki, Dohada danışıqlar üzrə komandasından yeni məlumat aldığını və yekun razılaşmanın əldə edilməsi üçün əsas olan bu gün təqdim edilən hərtərəfli müvəqqəti təklifi irəli sürməyini tapşırıb.