İspaniyada sərxoş turistlərə etiraz edənlər çimərliyə axışıblar- ÖZƏL

Olaylar.az pravda.ru-ya istinadən xəbər verir ki, Playa de Palma sakinləri sərxoşluğa və kütləvi turizmə qarşı çimərlikdə etiraz aksiyası keçiriblər.

Onlarla insan kütləvi turizmə və xarici turistlər arasında sərxoşluğa etiraz etmək üçün Avropanın məşhur çimərliyinə gedib.

Nəşrin məlumatına görə, İspaniyanın Playa de Palma şəhərindəki Balneario 6 çimərliyi səs-küylü şənlikləri və əyləncələri ilə tanınır. Yerli sakinlər bir vaxtlar sakit yerin spirtli içkilərdən sui-istifadə edən turist izdihamının maqnitinə çevrilməsindən narazılıqlarını bildirirlər. Buna cavab olaraq yüzə yaxın ispan sahilə toplaşaraq oturaq aksiya keçirib.

Etirazçıların peyda olması turistləri təəccübləndirib və bir neçə nəfər arasında qarşıdurma yaranıb. Polisin olmasına baxmayaraq, həbs olunan olmayıb. Aksiya iştirakçıları özlərini dinc aparacaqlarına və münaqişələrdən qaçmağa söz veriblər.

Yerli sakinlər Balneario 6 çimərliyinin sərxoşluğun simvoluna çevrildiyinə inanırlar.

"40 il əvvəl gənc olanda bura üzməyə gəlmişdim. İndi burada ancaq içirlər", - etirazçılardan biri deyib.