Çində şimşək düşməsi nəticəsində 6 nəfər ölüb, 10 nəfər yaralanıb- ÖZƏL

Çinin Jiangsu əyalətində, Changzhou şəhər dairəsində baş verən şimşək hadisəsi nəticəsində 6 nəfər ölüb, 10 nəfər isə yaralanıb. 

Olaylar.az xəbər verir ki, hadisə bazar günü baş verib. Şimşək, Fangmaoshan parkında bir kölgəlik binasına düşüb və nəticədə bina uçub. Həmin kölgəlikdə yağışdan qorunan insanlar dağıntılar altında qalıb.

Changzhou administrasiyası bildirib ki, Çin saatı ilə saat 23:00 etibarilə xilasetmə işləri tamamlanıb və 16 nəfər xəstəxanaya çatdırılıb. Onlardan 6-sının vəziyyəti ağır olub. Bazar ertəsi saat 02:00-a qədər ağır yaralanan 6 nəfər həyatını itirib, digər 10 nəfərin vəziyyəti isə stabildir.