İranda təlim təyyarəsi qəzaya uğradı: ölən var

Bu gün səhər saatlarında Əlborz əyalətinin Nəzərabad şəhərində Salehiyə bataqlığı yaxınlığında təlim təyyarəsi qəzaya uğrayıb.

Olaylar xəbər verir ki, bu barədə Əlborz əyalətinin Qızıl Aypara Cəmiyyətinin sədr müavini Əmir Abbaspur məlumat yayıb.

"Azadi hava limanından havaya qalxan yüngül təyyarə bataqlıq yaxınlığında qəzaya düşüb, nəticədə bir kursant həlak olub. Təlim təyyarəsinin pilotunun da vəziyyəti ağırdır və dərhal xəstəxanaya aparılıb", - Abbaspur bildirib.

Qeyd edək ki, qəzanın səbəbi açıqlanmayıb. (Axar)