Rusiyanın Oryol vilayətində Ukraynaya məxsus pilotsuz uçan aparat vurulub - ÖZƏL

Olaylar.az  xəbər verir ki, qubernator Andrey Klıçkov bildirib ki, Rusiya hərbçiləri Rusiyanın qərbindəki Oryol vilayətində Ukraynaya məxsus pilotsuz uçuş aparatını (PUA) bir gecədə məhv ediblər.

"Dünən gecə Oryol vilayəti üzərində düşmənin PUA-sı vurulub, itki və dağıntı olmayıb. Hadisə yerində fövqəladə xidmətlər işləyir", - o yazıb.
Bundan əvvəl Rusiya Müdafiə Nazirliyi ötən gecə Rusiya regionları üzərində 75 sabit qanadlı pilotsuz təyyarənin tutulduğunu və məhv edildiyini bildirib.