Blinken ilə Quterreş Venesueladakı seçkiləri müzakirə ediblər

ABŞ dövlət katibi Antoni Blinken BMT-nin baş katibi Antonio Quterreşlə telefonla Venesueladakı seçkiləri müzakirə edib və ölkə tərəflərini dialoqa çağırdığına görə ona təşəkkür edib.

Olaylar-ın məlumatına görə, bu barədə ABŞ Dövlət Departamenti xəbər verib.

"Dövlət katibi baş katibə Venesuela tərəflərini demokratik normalara sülh yolu ilə keçidi müzakirə etməyə inandırmaq səylərinə görə təşəkkür edib", - deyə bildirilib.

Qeyd olunub ki, Blinken və Quterres "beynəlxalq tərəfdaşlarla koordinasiyada demokratik normaların bərpası üçün inklüziv Venesuela prosesini dəstəkləməyə sadiq olduqlarını" ifadə ediblər. (trend)