Daha doqquz qaçqın Suriyadakı Rukban düşərgəsini tərk edib - ÖZƏL

Suriya hakimiyyəti və Suriyada Müxalif Tərəflərin Barışıq üzrə Rusiya Mərkəzi (Rusiya Müdafiə Nazirliyinin bölməsi) humanitar vəziyyətin fəlakətin astanasında olduğu Əl-Tənf bölgəsindəki Rukban düşərgəsini tərk edən daha doqquz qaçqına kömək edib. 

Olaylar.az  xəbər verir ki, bu barədə mərkəzin rəis müavini Vadim Kulit bildirib.

"ABŞ-ın işğalı altında olan Əl-Tanf bölgəsində yerləşən Rukban qaçqın düşərgəsində vəziyyət əlverişsiz olaraq qalır. Suriya hakimiyyəti və Rusiya Barışıq Mərkəzinin səyləri sayəsində doqquz qaçqın (beş kişi və dörd uşaq) düşərgəni tərk edib", - o deyib.

O, əlavə edib ki, Birləşmiş Ştatlar insanların qaçqın düşərgəsini tərk edib evlərinə qayıtmasına kömək etməkdə tamamilə aciz olduğunu nümayiş etdirir.
O, həmçinin bildirib ki, Həma əyalətinin Kavkaba qəsəbəsi yaxınlığında hökumət qoşunlarının mövqelərinə terrorçular tərəfindən snayper atəşi nəticəsində bir Suriya əsgəri yaralanıb.