Merejko: "Ukrayna ABŞ siyasətində əsas mövzu olmayacaq"- ÖZƏL

Ukrayna, hətta Demokratik Partiyanın namizədi Kamala Harris prezident seçilsə belə, ABŞ siyasətində əsas mövzu olmayacaq. 

Olaylar.az xəbər verir ki, bu fikri Ukrayna xalq deputatı Aleksandr Merejko OBOZ.UA nəşrinə verdiyi müsahibədə bildirib.

"Burada illüziyalarla yaşamaq lazım deyil ki, Ukrayna ABŞ siyasətində əsas məsələ olacaq",- deyə deputat vurğulayıb.

Onun sözlərinə görə, ABŞ üçün əsas prioritet Çinə qarşı mübarizədir, çünki bunu özləri üçün əsas geosiyasi təhdid hesab edirlər. Merejko əmindir ki, hazırda Kiyev üçün əsas məsələ Vaşinqtonu Ukrayna məsələsinin xarici siyasətdə ən azı əsas məsələlərdən biri olaraq qalmasına inandırmaqdır.

Eyni zamanda, o, Kamala Harrisin Ukraynaya yardım etməyə davam edəcəyinə ümid etdiyini ifadə edib. "Mən burada iki variant görürəm. Ya bu, əsasən, prezident Co Baydenin mövcud siyasətinin davamı olacaq, ya da daha güclü və qətiyyətli bir siyasət",- deyə deputat bildirib.

Əvvəllər Almaniya nəşri NZZ qeyd etmişdi ki, Avropada Donal Trumpın yenidən seçilməsinin fəlakət olacağı barədə ümumi razılıq var. Ancaq xarici siyasət baxımından Kamala Harris daha böyük risk təşkil edir.