110-dan çox ölkə Çin və Braziliyanın Ukrayna ilə bağlı konsensus təşəbbüsünü dəstəkləyir - ÖZƏL

Olaylar.az TASS-a istinadən xəbər verir ki, Çin və Braziliyanın Ukrayna münaqişəsinin nizamlanması üzrə konsensus planı artıq 110-dan çox ölkə tərəfindən bəyənilib.

Açıqlamaya görə, Çin hökumətinin Avrasiya məsələləri üzrə xüsusi nümayəndəsi Li Hui bu məsələni Braziliya prezidentinin beynəlxalq məsələlər üzrə xüsusi nümayəndəsi Selso Amorim ilə müzakirə etmək üçün Braziliyaya səfər edib.
"Çin və Braziliya Ukrayna böhranının siyasi həllini təşviq etmək üçün altı bəndlik qondarma konsensus birgə dərc ediblər. Artıq 110-dan çox ölkə bu təşəbbüsə müsbət cavab verib", - nazirlik Li Huinin sözlərindən sitat gətirib.
Çin diplomatının sözlərinə görə, Pekin bu məsələdə Braziliya tərəfi ilə daha çox təmaslara və daha geniş koordinasiyaya hazırdır. O, Ukrayna problemini siyasi yolla həll etmək üçün birgə səylərin zəruriliyini vurğulayıb.