Ərdoğan Haniyənin ailəsi ilə danışdı

Türkiyə Prezidenti Rəcəb Tayyib Ərdoğan Tehranda sui-qəsd nəticəsində öldürülən HƏMAS Siyasi Bürosunun rəhbəri İsmayıl Haniyənin ailəsi ilə danışıb.

Olaylar xəbər verir ki, bu barədə Türkiyə mediası yazıb.

Məlumata görə, telefon danışığı zamanı Ərdoğan Haniyənin həyat yoldaşı və övladlarına başsağlığını çatdırıb.

Qeyd edək ki, bu gün səhər saatlarında HƏMAS rəhbərinin Tehrandakı iqamətgahının raket atəşinə tutulması nəticəsində İsmayıl Haniyə və onun 1 mühafizəçisi öldürülüb. (Axar)