Hindistanın cənubunda torpaq sürüşməsi nəticəsində ölənlərin sayı 151 nəfərə çatıb- ÖZƏL

Hindistanın cənubunda torpaq sürüşməsi nəticəsində ölənlərin sayı 151 nəfərə çatıb. 

Olaylar.az xəbər verir ki, bu barədə "Hindustan Times" yerli hakimiyyət orqanlarına istinadən yazır.

Nəşrə görə, Hindistanın Kerala ştatının Vayanad rayonundakı dağlarda torpaq sürüşməsi nəticəsində azı 151 nəfər ölüb, daha 187 nəfər itkin düşüb.

"Sürüşmələr yuxarıda baş verib, daha sonra insanların yerləşdiyi vadinin aşağı hissələrinə təsir edib. İndi diqqət yüksək yerlərdə insanları axtarmaq və mümkün qədər çox cəsədi xilas etməkdir",-deyə qeyd olunur. 

İtkin düşənlərin və yaralıların axtarışını son dərəcə çətin hava şəraiti çətinləşdirir. Hindistan ordusunun məlumatına görə, minə yaxın insan xilas edilib. Mütəxəssislər zərər çəkmiş ərazini ən yaxın Çuralmala şəhəri ilə birləşdirəcək yeni alternativ körpünün tikintisinə başlayıblar.