TƏCİLİ! Haniyə sui-qəsdindən sonra İsraildən ŞOK QƏRAR -24 saat ərzində...

Beyrut və Tehrandakı hücumlardan sonra bölgədə yaranan gərginliyə görə İsrail rəhbərliyi ölkənin şimalını uçuşlara bağlayıb.

Olaylar xəbər verir ki, bu barədə "Haber Global" məlumat yayıb. 

İsrail mətbuatında yer alan xəbərdə bildirilir ki, ölkənin şimalındakı hava sahəsi Hadera şəhərindən başlayaraq uçuşlara bağlanıb.

Məlumata görə, uçuş qadağası 24 saat ərzində həyata keçiriləcək və bölgədəki quru yollarda isə heç bir məhdudiyyət olmayacaq.

Qeyd edək ki, İsrail ordusu ötən gün Livanın paytaxtı Beyruta təşkil etdiyi hava hücumunda "Hizbullah" komandirlərindən Fuad Şükürü öldürdüyünü açıqlayıb.

Bu gün səhər tezdən HƏMAS-ın Siyasi Bürosunun rəhbəri İsmayıl Haniyə isə İranın paytaxtı Tehranda sui-qəsd nəticəsində öldürülüb. (Musavat.com)