Putin Soljenitsının həyat yoldaşına medal verdi

Rusiya Prezidenti Vladimir Putin məşhur yazıçı Aleksandr Soljenitsının həyat yoldaşı Nataliya Soljenitsınanı III dərəcəli "Vətən qarşısında xidmətlərinə görə" medalı ilə təltif edib.

Olaylar xəbər verir ki, bu barədə rəsmi hüquqi informasiya portalında dərc olunan fərmanda qeyd olunub.

Nataliya Soljenitsına bu medala "Milli incəsənətin inkişafındakı xidmətlərinə, aktiv ictimai və xeyriyyəçilik fəaliyyətinə görə" təltif olunub.

Qeyd edək ki, məşhur dissident yazıçı, ədəbiyyat üzrə Nobel mükafatı laureatı Aleksandr Soljenitsın 2008-ci ildə dünyasını dəyişib. (Kult.az)