Ukrayna və Çin xarici işlər nazirləri görüşüb- ÖZƏL

Çinin xarici işlər naziri Vanq Yi Quançjouda ukraynalı həmkarı Dmitri Kuleba ilə görüşüb. 

Olaylar.az xəbər verir ki, bu barədə Sinxua agentliyi məlumat yayıb.

Bu ilin əvvəlində Ukraynanın xarici işlər naziri Dmitri Kuleba demişdi ki, Ukrayna Çinlə daha dinamik münasibətlərə nail olmaq istəyir. Kiyev Pekini Ukraynada sülhün bərpasında rol oynaya biləcək oyunçu kimi görür. Amma Ukrayna Qərb ölkəsi kimi Çinlə danışıqlar aparmaq istəyir.

Bundan əvvəl Çin Xalq Respublikasının xarici işlər nazirinin müavini Sun Veydonq Ukrayna xarici işlər nazirinin birinci müavini Andrey Sibiqa ilə görüşdə bildirib ki, Çin Xalq Respublikası Ukrayna ilə bütün sahələrdə əməkdaşlığı inkişaf etdirməyə hazırdır, eləcə də Çin-Ukrayna münasibətlərini saxlamaq və inkişaf etdirmək.