Arktika ABŞ üçün strateji qarşıdurma bölgəsinə çevrilir - ÖZƏL

Geosiyasi və iqlim dəyişiklikləri fonunda Arktika ABŞ üçün strateji qarşıdurma bölgəsinə çevrilir.

Olaylar.az TASS-a istinadən xəbər verir ki, bunu ABŞ Müdafiə Nazirliyi yeni Arktika Strategiyasında bildirib.
"Böyük geosiyasi dəyişikliklər Arktikaya bu yeni strateji yanaşmanın zəruriliyini şərtləndirir", - Pentaqon bildirib.
Strategiyaya əsasən, dəyişikliklərə Ukrayna böhranı, Finlandiya və İsveçin NATO-ya daxil olması, Çin və Rusiya arasında əməkdaşlığın artırılması və iqlim dəyişikliyinin təsirlərinin sürətləndirilməsi daxildir.
"Getdikcə daha əlçatan olan bu region strateji rəqabət məkanına çevrilir və Birləşmiş Ştatlar müttəfiqləri və tərəfdaşları ilə birlikdə çağırışa cavab verməyə hazır olmalıdır", - strategiyada deyilir.