Borrell: Ukraynanın enerji potensialının 70%-i məhv edilib- ÖZƏL

Aİ-nin xarici siyasət xidmətinin rəhbəri Xosep Borrel Ukraynanın enerji sisteminin vəziyyətinə diqqət çəkərək, ölkənin enerji potensialının 70%-nin sıradan çıxdığını qeyd edib.

Olaylar.az xəbər verir ki, diplomat bunu bazar ertəsi, iyulun 22-də Aİ xarici işlər nazirlərinin görüşünə gələrkən deyib.

"Ukraynada enerji sisteminin tamamilə məhv edilməsinin qarşısını almağa çalışmalıyıq. Enerji tutumunun 70%-i məhv edilib, indi yaydır, lakin qışda hər şey daha da çətinləşəcək",-deyə o, bildirib. 

Borrell Avropa nazirlərini Ukraynaya "enerji istehsal gücünün bərpası və ya dəyişdirilməsi" üçün daha çox dəstək verməyə çağırmaq niyyətində olduğunu açıqlayıb.