Rusiya zərbə endirdi, Polşa qırıcıları havaya qalxdı

Polşa Silahlı Qüvvələrinin komandanlığı sakinləri Rusiyanın Ukrayna ərazisinə hücumları ilə əlaqədar ölkənin cənub-şərq bölgələrində hərbi aviasiya uçuşları ilə bağlı xəbərdarlıq edib.

Olaylar xəbər verir ki, bu barədə Polşa ordusu məlumat yayıb.

Bildirilib ki, bu gecə Rusiyanın uzunmənzilli aviasiyası Ukrayna ərazisinin qərbində yerləşən hədəflərə zərbə endirib:

"Rusiya qoşunlarının Ukraynanın qərb vilayətlərinə hücumlarında sonuncu dəfə iyunun 21-dən 22-nə keçən gecə belə aktivlik qeydə alınıb. Polşa hava məkanının təhlükəsizliyini təmin etmək üçün bütün lazımi prosedurlar işə salınıb və Silahlı Qüvvələrin operativ komandanlığı vəziyyəti daim nəzarətdə saxlayır". (Axar)