Lavrov: Rusiya Burkina-Fasoya hərbi təlimatçıların və təchizatların sayını artıracaq- ÖZƏL

Rusiya Xarici İşlər Nazirliyinin rəhbəri Sergey Lavrov regionda terrorizmlə mübarizə proqramı çərçivəsində Burkina-Fasodakı rus hərbi təlimatçılarının sayının artırılmasını açıqlayıb. 

Olaylar.az xəbər verir ki, ölkə həmçinin təhlükəsizlik üçün zəruri olan silah və digər malların tədarükünü artıracaq.

Lavrov Burkina Faso səfərindən sonra deyib: "Burada (Burkina Fasoda) rusiyalı təlimatçılar işləyir, onların sayı artacaq".

Nazir qeyd edib ki, Rusiya məqsədyönlü şəkildə yerli hüquq-mühafizə orqanlarının əməkdaşlarını, hərbi qulluqçuları və kəşfiyyat orqanlarını hazırlayır. Lavrovun sözlərinə görə, bu tip qarşılıqlı fəaliyyət artıq yaxşı qurulub və iki ölkənin təhlükəsizlik qüvvələri arasında möhkəm əlaqələr qurulub.