İran nüvə sazişi üzrə öhdəliklərini azaltmağa davam edir - ÖZƏL

Olaylar.az xəbər verir ki, İranın Atom Enerjisi Təşkilatının (AEOI) rəhbəri Məhəmməd Eslami bildirib ki, Tehran İranın nüvə proqramı üzrə Birgə Hərtərəfli Fəaliyyət Planının (JCPOA) müddəalarının yerinə yetirilməsi üzrə öhdəliklərini azaltmaqda davam edir.
"Birgə Müqavilənin 36-cı maddəsinə əsasən, tərəflər öz öhdəliklərini yerinə yetirməsələr, İran təbii şəkildə cavab vermək və öhdəliklərini azaltmaq üçün qanuni hüququna malikdir və hazırda biz bu öhdəlikləri azaltmaq mərhələsindəyik" - o, deyib. 

Qurum rəsmisinin sözlərinə görə, müqaviləyə tərəflərin yerinə yetirmədiyi öhdəliklər daxildir. 

"ABŞ müqaviləni tərk etdi, lakin eyni zamanda digər ölkələrin bizimlə əməkdaşlığa imkan vermir" - o, əlavə edib.
BMT Təhlükəsizlik Şurasının beş daimi üzvü və Almaniya 2015-ci ildə İranın nüvə proqramı ilə bağlı böhranı həll etmək üçün onunla nüvə sazişi imzalayıb. ABŞ-ın o zamankı prezidenti Donald Tramp 2018-ci ildə sazişdən çıxdı, indiki prezident Bayden isə dəfələrlə ABŞ-ı nüvə sazişinə qaytarmağa hazır olduğunu bildirib.