Çin İsveçrədə Ukrayna sülh konfransında iştirak etməyəcək - ÖZƏL

Olaylar.az xəbər verir ki, Çin iyunun ortalarında İsveçrənin ev sahibliyi edəcəyi Ukrayna üzrə sülh konfransında iştirak etməyəcəyini təsdiqləyib .

Pekinin iştirak etməsi üçün şərtlər, o cümlədən Rusiyanın iştirakı təmin olunmadığı üçün dəvət rədd edilib.
Çin bu həftənin əvvəlində diplomatlara bildirib ki, yerinə yetirilməyən şərtlər arasında konfransın həm Moskva, həm də Kiyev tərəfindən tanınması, bütün tərəflərin bərabər şəkildə iştirak etməsi və bütün təkliflərin ədalətli müzakirəsi lazımdır.
İsveçrə hakimiyyəti iyunun 15-16-da Burgenstock Resort-da Ukrayna sülh konfransı keçirməyi planlaşdırır. İsveçrə Federal Xarici İşlər Departamentinin daha əvvəl bildirdiyi kimi, Bern tədbirə G7, G20 və BRİKS ölkələrindən də daxil olmaqla 160-dan çox nümayəndə heyətini dəvət edib. İsveçrə rəsmiləri bildiriblər ki, Rusiya dəvət olunmayıb.