Arxeoloqlar Nil çayının qədim qolunu aşkar etdilər- ÖZƏL

Olaylar.az xəbər verir ki, piramida bloklarının daşınması üçün istifadə oluna bilən Nil çayının keçmiş qolu tapılıb

Misir, Avstraliya və ABŞ Misirin Giza şəhərində 30-dan çox piramida ilə yanaşı uzanan Nil çayının uzun müddətdir gizlənmiş qolunu aşkar ediblər. Alimlərin fikrincə, bu qol fironların məşhur məzarlarının tikintisi zamanı çox tonluq daş blokların daşınması üçün istifadə olunub.

Mütəxəssislər təqribən 64 kilometr uzunluğunda olan kanalın min illər boyu səhra və əkin sahələri tərəfindən gizləndiyini müəyyən ediblər. Bu, 4700-3700 il əvvəl bu yerdə 31 piramidanın niyə tikildiyini izah edir.

Arxeoloqlar uzun müddətdir ki, qədim misirlilər nəhəng blokları daşımaq üçün su yollarından istifadə etmişlər, lakin kanalın dəqiq yeri məlum deyildi.

Komanda radar peyk görüntülərindən istifadə edərək qədim çay yatağı kəşf edib və ona ərəbcə "piramidalar" mənasını verən Ahramat adını verib.

Alimlər onu da qeyd ediblər ki, bir çox piramidaların çay limanlarına aparan xüsusi cığırları olub və fironların cəsədləri qayıqlarla məzarlarına daşınıb.

Mütəxəssislərin fikrincə, zaman keçdikcə Əhramat şiddətli quraqlıq səbəbindən dayazlaşdı və qumla örtüldü, bu da Qədim Misir hökmdarlarının sonrakı sülalələrini başqa yerlərdə piramidalar tikməyə məcbur etdi.