Ümid edirik ki, blokada tezliklə başa çatacaq

Xəbərlərimizi "WhatsApp" kanalımızdan oxuyun 

Polşa hakimiyyəti Ukrayna ilə sərhədin blokadasının tezliklə başa çatacağına ümid edir.

Olaylar.az Axar.az-a istinadən xəbər verir ki, bunu Polşa Baş naziri Donald Tusk Nazirlər Kabinetinin iclasından sonra jurnalistlərə bildirib.

"Bildiyiniz kimi, tam olmasa da, biz polşalı fermerlərin emosiyalarını sakitləşdirməyə müvəffəq olduq. Ümid edirəm ki, Polşa daşıyıcılarını uğurla təmsil etmək səylərimiz blokadanın yumşaldılmasına gətirib çıxaracaq", - Tusk vurğulayıb.

Qeyd edək ki, noyabrın əvvəlində daha sonra fermerlərin də qoşulduğu Polşa daşıyıcıları Ukrayna ilə sərhəddə yol keçid məntəqələrini bağlayıblar.

Polşalı fermerlər dekabrın 24-dən etibarən isə Ukrayna ilə sərhəddəki Medıke keçid məntəqəsindəki məhdudiyyəti aradan qaldırmağa razılaşıblar.